"Roya hon teri yaad mein din raat musalsal
Aise kabhi hoti nahi barsaat musalsal
ijlaas ka unwan tou hai akhlaq-o-murawat
bad khoi me masroof hain hazrat musalsal
Hum ny tou koi chez b ejad nahi ki
Aty hain nazar en ke kamalat musalsal
Mullaon ny islam tukraat kiye hain
Maslaat sy phailaty hain nafraat musalsal
Karty hai musawat ki tabligh wo jon jon
Barhty hi chalay jaty hain tabqaat musalsal
Har roz kisi Shahr me hoty hain dhamaky
Rehti hai mere des mein shabraat musalsal
Petay nahi Banti hai tou phir jati kahan hai
Yeh zehan me uthty hain Sawalat musalsal
Har roz wo milty hain muje naye roop mein mujh ko
Party hain meri sehat py asraat musalsal
Chehray ko naye dhab sy sajaty hai wo har roz
Banty hai meri maut ke halaat musalsal "
Shair ka Naam :Abeer abu Zari
No comments:
Post a Comment