" Aye Kuch abr kuch sharab aye
Usk baad aye jo azaab aye
Baam-e-mina sy mehtab uthry
Dast-e-saqi mein aftab aye
Har rag-e-khoon mein phir charaghan ho
Samnay phir wo be-naqab aye
Umer ki har varaaq py dil ki nazar
Teri mehar-e-wafa ke baab aye
Kar raha tha gham-e-jahan ka hisab
Aj tum yaad ne-hisab aye
Na gai tere gham ki sardari
Dil mein youn roz inqalab aye
Jal uthy bazm-e-ghair k dar-o-bam
Jab bhi hum khanuman-e-kharab aye
Es tarah apni khamoshi gunji
Goya har har samat sy jawab aye
'Faiz' thi raah sar-ba-sar manzil
Hum jahan pohnchy kamyab aye "
Shair ka Naam : Faiz Ahmed Faiz
No comments:
Post a Comment